Nënkryetarja e Partisë Demokratike të Kosovës, Vlora Çitaku, ka akuzuar Qeverinë e Kosovës, se po suspendon politikën e jashtme.
Ajo ka thënë se nga sot shumica e Ambasadave të Kosovës janë pa titullar, duke e quajtur këtë papërgjegjësi totale ndaj shtetit, përcjell Bota sot.
Sipas saj, Qeveria dhe Presidenca kanë pasur mjaftueshëm kohë që të përzgjedhin Ambasadorët dhe nuk kanë arsyetim.
Reagimi i saj në Facebook:
Nga sot, shumica e Ambasadave të Republikës së Kosovës janë pa titullar. Pa shef misioni, dhe pa të ngarkuar me punë.
Ka edhe ambasada të cilave u është vënë dryni. Kjo është papërgjegjësi totale ndaj shtetit. Kjo është suspendim i politikës së jashtme.
Qeveria dhe Presidenca kanë pasur mjaftueshëm kohë që të përzgjedhin Ambasadorët. Nuk ka asnjë arsyetim. Papërgjegjësi ndaj shtetit dhe mungesë konsiderate për shtetin nikoqir.
Në diplomaci, nëse e tërheqë shefin e misionit, pa dërguar emrin e pasuesit, dërgohet mesazh.
