Kryetari i Lidhjes Demokratike të Kosovës, Lumir Abdixhiku është shprehur në një formë mjaftë të vrazhdë sot në seancën e Kuvendit të Kosovës.
Përgjatë fjalës së tij, Abdixhiku ka kërkuar në një formë brutale nga kryeministri Albin Kurti që një nga nga zv/kryeministrat e tij të mos ia ndërpresë fjalën.
Eskalon debati në Kuvend, Abdixhiku: Kryeministër, lidhe zv.kryeministrin
“Kryeministër, të lutem lidhe zëvendëskryeministrin, trego respekt minimal në fjalim, mund ta bëjmë edhe ndryshe, por e keni mundësinë këtu në mikrofon në mënyrë tolerante të diskutoni. Lidhe”, ka thënë Abdixhiku.
E pas kësaj është kundërpërgjigjur edhe vetë zv/kryeministri i Qeverisë së Kosovës, Besnik Bislimi.
Bislimi siç duket e mori me sportivitet këtë çështje duke thënë se ajo çka ndodhi ishte se ai po pyeste kryeministrin Kurti se mos Abdixhiku di edhe kur do të përfundojë lufta në Ukrainë.
“Ajo që ndodhi ishte se kur deputeti po shpjegonte se si i ka parashikuar dhe i di të gjitha zhvillimet, unë pyeta kryeministrin se mos vallë e di edhe kohën kur parashihet të jetë koha kur përfundon lufta në Ukrainë dhe nuk po na tregon”, tha Bislimi, transmeton lajmi.net.
Tutje ai shtoi se sa i përket komentit të Abdixhikut për lidhej apo zgjidhje, nuk mund t’i ndihmojë atij.
“Sa i përket komentit të tij për lidhje apo zgjidhje, duke e njohur mirë Abdixhikun duhet t’ia përkujtojë mjaftë mirë se bashkëndjej me të, por nuk mund ta ndihmoj”.