Liderët e BE’së gjatë një takimi të përbashkët në Bruksel kanë njoftuar se deri në fund të vitit do të dhurojnë edhe 100 milionë vaksina për vendet e Ballkanit Perëndimor.
Në mesin e këtyre shteteve që do të marrin këto vaksina është edhe Republika e Kosovës.
BE’ja ka paralajmëruar se Austria, Hungaria, Polonia dhe Sllovenia, së shpejti do të japin falas vaksina për këto shtete të rajonit. Kosova pritet që të përfitojë një numër të konsiderueshëm të vaksinave, që do të jepen donacion nga këto shtete.
Nga këto donacione do të përfitojnë edhe Bosnjë e Hercegovina, Maqedonia e Veriut, Shqipëria dhe Mali i Zi.
Këto donacione të vendeve anëtare të BE-së do të jenë doza shtesë pas më shumë se 600.000 dozave që BE-ja tashmë ka ndarë për vendet e Ballkanit.
Kujtojmë, që Kroacia ishte vendi i parë që bëri publike dhënien e një donacioni prej 10.000 dozave të vaksinës për Kosovën./Botapress/
