Bashkimi Evropian po planifikon ta sanksionojë ministrin e Mbrojtjes së Rusisë, Sergei Shoigu dhe Agjencinë e Hulumtimit të Internetit (IRA) të mbështetur nga Kremlini, ka thënë një diplomat i BE-së.
Bazuar në raportimin e CNN, diplomati ka thënë se suspendimi ministrit rus të Mbrojtjes dhe i Agjencisë është punë e kryer.
E gjitha mbetet të finalizohet nëpërmjet procedurave të shkruara dhe se duhet publikuar dhe hyjnë në fuqi më vonë sot.
Ndërkaq, zv/këshilltari i sigurisë kombëtare, Daleep Singh, gjatë paraqitjes së tij në CNN, ka thënë se sanksionet shtesë të SHBA-së ndaj Rusisë, përfshirë kontrollet e eksportit, mund të vijnë në çdo moment.
“Këto kosto do të përshkallëzohen që këtu. Dy bankat më të mëdha në ekonominë ruse kanë 750 miliardë dollarë aktive nën menaxhim, që është 10 herë më e madhe. Kontrollet tona të eksportit, të cilat mund të mohojnë të gjitha inputet kritike të teknologjisë në Rusi, ende nuk janë zbuluar. Ne mund t’i zbulojmë ato në çdo moment”, tha ai./Botapress.info/
