Këngëtari serb Goran Bregoviç e ka arritur misionin e tij medial e politik te shqiptarët, pavarësisht se a do të përformojë në Festivalin e Birrës në Korçë apo jo! Ai u bë emri më i përfolur te shqiptarët në Shqipëri e në Kosovë. Tash kur ai është më një emër i anatemuar dhe i harruar nga mediet dhe opinioni serb, Bregoviç vjen e bëhet kryetemë, kryelajm dhe “mollë sherri” mes shqiptarëve të Shqipërisë e të Kosovës.
Me një fjalë, shqiptarët e “hëngrën karremin” e këngëtarit serb. U ndanë e u përçanë si asnjëherë më parë e si asnjëherë më keq!
Siç e kam thënë edhe në një shkrim të mehershëm se korçarët e duan Bregoviçin dhe s’ke çka i bën. Duhet të pajtohemi me “shijen muzikore” të korçarëve që nuk janë vetëm ata. Janë tiranasit, durrsakët, shëngjinasit, sarandasit etj që e dëgjojnë dhe e pëlqejnë Cecën e pse jo edhe Bregoviçin!
Për korçarët që e duan Bregoviçin dhe për “patritotët kosovarë” me flamur lara-lara!
Ajo që më “bren” më së shumti në këtë mes është “paternalizmi” euforik dhe mentaliteti internacionalist e kozmopolit i një pjese të intelektualëve dhe opinionistëve nga Shqipëria dhe reagimet patetike, “patriotike” e folklorike nga Kosova.
Pra, sikur Shqipëria shumë shpejt i ka hapur dyert dhe zemrën për turbo folkun serb ndërkaq Kosova sikur ka marrë mbi supe një barrë të rëndë, atë të edukimit e ndikimit patriotik te shqiptarët e Shqipërisë.
Shtrohet pyetja për Tiranën: A nuk gjetën një këngëtar tjetër të huaj e jo serb për të perfomuar në Korçë, organizatorët e Festivalit të Birrës, apo sikur me qëllim dhe sikur për “inatë” të kosovarëve e ftuan Bregoviçin e anatemuar në Kosovë?
Shtrohet pyetja për Prishtinën: A u bë “veja me mësu pulën” apo Kosova e kosovarët me u mbajt leskione patriotike shqiptarëve e Shqipërisë a?
Unë nuk marrë guximin personal që të kërkoj përgjegjësi nga Korça zyrtare dhe aq më pak të ndikojë te ata për të anuluar koncertin e Bregoviçit në ndërkohë që nuk do t’ia jap mundësinë dhe kënaqësinë Bregoviçit dhe bregoviçëve që të polemizojë me opinionistët dhe kolegët e Tiranës.
Në ndërkohë nuk mund të jem indeferent ndaj një fakti që ka të bëjë në relacionin e kosovarëve me Bregopviçin i shpërfaqur disa vjet para luftës së fundit në Kosovë.
Baballarët dhe më të vjetrit e 20 vjeçarëve të sotëm në Kosovë me siguri se e kujtojnë dhe e mbajnë mend Bregoviçin dhe këngën e tij në gjuhën shqipe “Rroke rroke mandilinën, bjeri, bjeri bjeri qiftelisë”. Edhe sot më rikujtohen reagimet e atëhershme të”patriotëve” të sotëm kosovarë të cilët me të madhe e dëgjonin këtë këngë dhe e “lavdonin” Bregoviçin dhe “Bjello Dugmen” e atëhershme me fjlaët: “He bre nanën po mirë po e knon këtë këngën ky shkau!?
Kur jemi te sharjet e kosovarëve, më lejoni të sjell para jush “falënderimet” e kosovarëe për “vëllezërit” e tyre nga Shqipëria me fjalët: “Valla k’ta t’Shqipnisë lypin me ua qi at’nanë!”
Kështu ne kosovarëve nga shkoi jeta me “kalem në dorë” në ndërkohë që prapanicën tonë ende e kemi “vrer e gjak” duke na futur të tjerët, jo rrallë edhe nga “vëllezërit” nga Shqipëria!
Sa për ndikimin dhe jehonën e Cecës te kosovarët këtë e ka thënë më së miri Milaim Zeka.
Milaim Zeka: Kosovarët, damarët i kanë prerë për Cecën, edhe sot ‘jargiten’ për të
Krejt në fund, Bregoviçin, Cecën e të tjerët në Shqipëri i sollën kosovarët, ata kosovarët me vetura Llamborgini dhe me CD të këngëve të Cecës e të tjerave.
Prandaj lereni Bregoviçin të performojë në Korçë. Ai do të largohet më pas nga Shqipëria ndërkaq çdo “zjarrë e flakë” mes shqiptarëve të Shqipërisë e të Kosovës do të ndikojë shumë keq në raportet ndërshqiptare mes Kosovës e Shqipërisë.
