Drejtuesi i një veture ka vdekur pak minuta më parë në në aksin rrugor Rubik-Rrëshen, pasi është përplasur me një autobus. Aksidenti tragjik ka ndodhur rreth orës 17:22. “Land Rover-i” me targa italiane është goditur nga autobusi me targa të Kosovës.
Në automjet udhëtonin babë e bir. Shoferi ka ndërruar jetë, ndërsa djali ka mbetur i plagosur. Nuk dihet ende identiteti i viktimës dhe as shkaqet e aksidentit.
Njoftimi i policisë:
Rreth orës 17:22, në aksin rrugor Rubik-Rreshen ,mjeti autobus është përplasur me mjetin tip “Land Rover” me targa italiane, ku si pasojë ka gjetur vdekjen drejtuesi i mjetit ende i paidentifikuar.
Drejtuesi i mjetit autobus po shoqërohet në Komisariatin e Policisë Mirditë, për veprime të mëtejshme. Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes . /Botapress/
