Policia e Kosovës ka arrestuar tre persona në Aeroportin Ndërkombëtar të Prishtinës “Adem Jashari” pasi të njëjtit dyshohet se kanë falsifikuar dokumente në mënyrë që të udhëtojnë jashtë vendit.1
Një gjë e tillë është njoftuar nga policia me anë të një komunikate për medie, derisa është bërë e ditur se të tre të dyshuarit janë dërguar në mbajtje
“Realizimi i detyrave dhe autorizimeve policore në mënyre profesionale ka rezultuar që, dje më datë 21.12.2021, rreth orës 19:00, Policia e Kosovës, konkretisht autoritetet policore në Aeroportin Ndërkombëtar të Prishtinës ANP “Adem Jashari” gjatë kontrollit dhe verifikimit të dokumenteve për kalimin e kufirit, respektivisht për udhëtim jashtë Republikës së Kosovës, në tri raste kanë hasur në tre (3) persona të dyshuar, të cilët nën dyshimin për falsifikim të dokumenteve (leje qëndrim, vizë dhe pasaportë) janë ndaluar dhe arrestuar nga autoritetet kufitare kosovare”, thuhet në njoftim.
“Lidhur me çështjen është njoftuar prokurori kompetent, me urdhër të tij janë iniciuar rastet, ndërsa tre (3) personat e dyshuar pas arrestimit janë derguar në mbajtje për procedura të mëtejme hetimore”. /Botapress.info/.