Në mëngjesin e sotëm, në qendrën Emergjente të Qendrës Klinike Universitare të Kosovës (QKUK’së), një specializant dhe një infermier janë përfshirë shoqëruar në polici, për shkak të një mosmarrëveshjeje, shkruan Gazeta Botapress.
Lajmin e ka konfirmuar zëdhënësi i policisë për rajonin e Prishtinës, Agron Borovci.“Rreth orës 09:00 është pranuar informata për një mosmarrëveshje të ndodhur në mes të dy personave në qendrën emergjente në Prishtinë”, ka deklaruar Borovci.
Borovci tha se palët janë shoqëruar në stacion policor.
“Policia ka dalë në vendin e ngjarjes dhe ka shoqëruar palët për në stacionin policor, si dhe ka nisur me ndërmarrjen e veprimeve për sqarimin e rrethanave të rastit”, ka deklaruar Borovci.
Sipas raportimeve në media të dyshuarit janë një specializant dhe një infermier. /Botapress.info/
