Eliza Hoxha, deputetja e Partisë Demokratike të Kosovës, ka reaguar pas vdekjes së producentes Vjosa Berisha, duke thënë se vdekja e saj ishte e hershme.
Hoxha ka thënë se Berisha kishte aq shumë forcë edhe në ditët e vështira për t’i inkurajuar të tjerët se jeta ia vlen.
“Ah bre Vjosë 💔Herët shumë herët…Kishe aq shumë andrra, dëshira e vullnet me e bo këtë vend ma të mirë. Aq shumë forcë edhe në ditët e vështira për t’i inkurajuar edhe të tjerët me vazhdu, se jeta ja vlen çdo minutë të saj. Pushofsh në paqen e përjetshme! Faleminderit për mësimet, energjinë e mirë dhe trashëgiminë e lënë në shoqërinë kosovare”, ka shkruar Eliza Hoxha.
Ndryshe, lajmin për vdekjen e producentes e ka bërë të ditur bashkëshorti i saj, Fatos Berisha përmes një postimi të në rrjetin social “Instagram”.
“Me pikëllim të thellë bëjmë të ditur se e dashura jonë Vjosa Berisha ndërroi jetë, sot me datë 23 qershor në spitalin University College Hospital në Londër. Datën dhe vendin e varrimit do ta bëjmë të ditur më vonë. Familjet Berisha dhe Istrefi.”, ka shkruar ai./Botapress.info/
