Kryetari i LDK-së Lumir Abdixhiku ka prezantuar prurjen e re në LDK. Ai bashkë me Përparim Ramën, kandidatin e LDK-së për Prishtinën na prezantuar Roland Perajn, sociolog i njohur kosovar.
Bashkë me Përparimin, takuam e i uruam mirëseardhje Rolandit, një studiuesi universitar e post-universitar në Katedrën e Sociologjisë në Universitetin e Prishtinës.
Përgjatë viteve të fundit Rolandi ka qenë i angazhuar në një mumër të madh projektesh vendore e ndërkombëtare, me fokus të veçantë më fushën e arsimit, gjithëpërfshirjes e ndërmarrësisë, duke përfshirë bashkëpunime me organizata dhe institucione të rëndësishme ndërkombëtare si USAID-i Amerikan, Zyrën e BE-së në Kosovë, Gizin Gjerman, SIDA etj. Rolandi ka themeluar po ashtu edhe ‘KidVersity’ një biznes inovativ për aktivitete plotësuese për fëmijë.
Në sferën akademike, si magjistër i sociologjisë, ai numëron dhjetra referime shkencore në konferenca vendore dhe rajonale duke përfshirë edhe botime të hulumtimeve dhe artikujve të ndryshëm nga shkencat sociale. Rolandi është në proces të botimit të librit me tematikë mbi ndikimin e Armatës Popullore Jugosllave në Kosovë gjatë periudhës së ish Jugosllavisë. Interesat e tjera në fushën kërkimeve lidhen me trajtimin e çështjeve të kujtesës kolektive, në të cilat është i angazhuar edhe në cilësinë e ligjëruesit.
Rolandi, një qytetar aktiv nga Kodra e Trimave, i apasionuar ndaj biçikletave e sportit malor, nga sot e tutje do të jetë pjesë e LDK-së dhe në këto zgjedhje lokale do të jetë edhe pjesë e listës sonë për asamble në kryeqytet.
Me njerëz si Rolandi, me të rinj e të reja, që na bashkohen secilën ditë, shtëpia jonë politike shton vlerë e pasuri. Kontributi i tij, në qytetin e tij, është veçse i natyrshëm, ka shkruar Abixhiku në Facebook, përcjellë Botapress.
