Botapress, 7 Qershor – Komuna e Prizrenit duket se është një “arrë e fortë” për LDk-në dhe Lumin Abdixhikun. Kjo parti e ka humbur torroun prej kohës së Eqrem Kryeziut dhe tash e disa palë zgjedhjesh më shumë shënon humbje se sa fitore. Atje, LDK-ja është shndërruar në një “patericë” herë të PDK-së e së fundi edhe të Vetëvendosjes.
Nëse kësaj i shtojmë faktin se Haxhi Avdyli, ish-kryetari i kësaj dege, tash deputeti i krahut të Vjosa Osmanit, ka paralajmëruar garën për të parin e këtij qyteti, atëherë ai mund të dëmtojë pak a shumë LDK-në në këtë komunë dhe në një balotazh eventual do t;i dalë në krah kandidatit të Vetëvendosjes.
Në rrethana të tjera, Driton Selmanaj mund të ishte një kandidat serioz i LDK-së për Prizrenin. Por rrethanat e krijuara pas 14 Shkurtit, e ardhmja e Selmanajt në LDK, qoftë në Prizren qoftë në nivelin qendror nuk duket të jetë shpresëdhënëse.
Mitrovica, në kërkim të një lideri të ri
Edhe Mitrovica duket se është një komunë e humbur ende pa filluar gara. Atje, si edhe në Prizren, LDK nuk po këndellet pas përplasjeve të brendshme dhe përfshirja në koalicione me kryetarin aktual Agim Bahtirin e ka dëmtuar shumë këtë degë.
Një emër i fortë i kësaj partie mungon në Mitrovicë. Safet Kamberi, kryetari i Degës e ka sprovuar veten edhe si kandidat për kryetar të komunës por edhe për deputet por nuk e “ka kaluar pragun”.
Një emër i ri në garën për këtë komunë, mbase mund të përmirësonte reitingun e LDK-së në këtë komunë, të cilën në vitet e para pas lufte, LDK-ja e fitonte me rezultat të thellë me mbi 60% të votave.
Shkelqimi dhe rënia e Ferizajit, faji dhe fajtori Muharrem Sfarqa
Pas disa përplasjeve brenda Degës së LDK-së në këtë komunë, kryesisht mes Adem Salihajt dhe Faik Graincës, i pari ish-kryetar e i dyti ish-nënkryetar i LDK-së e i komunës, Muharrem Sfarqa ” i huazuar” nga diaspora solli freski jo vetëm në këtë degë por edhe në komunë.
Sfarqa fitoi garën për kryetar të Ferizajit duke e rikthyer në pushtet LDK-në pas gati 8 vitesh të humbjes së pushtetit. Kjo fitore e LDK-së në Ferizaj ishte si një “ngushëllim” i mirë për LDK-në e cila humbi Prishtinën me kandidaturë të Isa Mustafës, kryetar i LDK-së.
Por shkëlqimi i Muharrem Sfarqës dhe i LDK-së në këtë komunë zgjati vetëm 4 vjet. Sfarqa dhe LDK e humbën pushtetin nga PDK-ja dhe rivali Agim Aliu.
Ndërkaq përplasjet e brendshme në këtë Degë të LDK-së, quan në rënie drastike të votave për këtë parti politike në dy palë zgjedhjet nacionale, më 2019 dhe 2021 ndërkaq Muharrem Sfarqa humbi edhe besimin e liderit të ri të LDK-së Lumir Abdixhikut i cili e la jashtë Kryesisë së LDK-së në qendër.
Ajo që mund të thuhet në fund të kësaj analize për gjendjen e LDK-së në këto komuna është nevoja e domosdoshme që Lumir Abdixhiku, ta qojë reformën dhe referendumin e brendshëm anëmbanë LDK-së në Degë, ashtu sic ndodhi më 14 mars në Kryesinë e LDK-së.
Kjo reformë dhe ky referendum do të jetë i dhimbshëm për “meritokratët e vjetër” të LDK-së por do të jetë një mundësi e re për të rinjtë dhe të ardhmen e LDK-së.
FUND
