Kryetari i Lidhjes Demokratike të Kosovës, Lumnir Abdixhiku, së bashku me bashkëpunëtorët e tjerë ka vizituar sot Prekazin dhe familjen Jashari, shkruan Botapress.info
Vendim i minutave të fundit, NATO përfshihet në luftë? Ja çfarë po ndodh
Abdixhiku ka thënë se kjo sakrificë e jashtëzakonshme ka qenë thirrje nacionale për luftën nga Ushtrisa Çlirimtare e Kosovës.Abdixhiku ka thënë se kjo përpjekje për liri na shërben neve si mësim se sa i domosdoshëm është kontributi jonë i mbarë dhe i drejtë për liri.
Këtu keni statusin e tij të plotë:
“Datat 5,6 e 7 mars janë të gravuara në themelet e lirisë së Kosovës. 24 vite më parë, Drenica, Prekazi, familja Jashari ishin rrethuar nga forcat serbe. Në këtë rrethim e përballje disproporcionale forcash, Adem Jashari kishte zgjedhur mbrojtjen e pragut të shtëpisë – me gjithë familje.
Kjo sakrificë e jashtëzakonshme e tyre në altarin e lirisë – ishte kushtrim nacional për luftën e Ushtrisë Çlirimtare të Kosovës. Ishte fillim i fundit të okupimit serb mbi Kosovë.
Sot, vizituam Prekazin. Vizituam dhe Bacën Rifat Jashari e anëtarët e tjerë të familjes Jashari. Kjo shtëpi e madhe e tyre vazhdon të jetë inspirim për ne.
Sot, nderojmë familjen Jashari; burrat, gratë e fëmijët që kishin rënë 24 vite më parë, për të mos vdekur kurrë. Sot, nderojmë të gjithë të rënët, martirët e viktimat e luftës e përpjekjes sonë për liri. Ky nderim, kjo sakrificë, na shërben si rikujtim i vazhdueshëm se sa i domosdoshëm është kontributi ynë i mbarë e i drejtë në liri”, ka shkruar Abdixhiku në llogarinë e tij në Facebook. /Botapress.info/
