[responsive-menu menu="logged-in-menu"]

Zyrtare: Demantohen spekulimet e VV’së, Kuvendi publikon dokumentin që tregon votat ndaj Qeverisë Hoti



Po sa u votuat Qeveria Hoti, Lëvizja Vetëvendosje filloi me aludimet e spekulimet se nuk ishin votat e plota për formimin e Qeverisë, thanë se një mungoi.

Kuvendi i Kosovës ka sqaruar votimin për Qeverinë Hoti dhe ka konfirmuar se kanë qenë 61 vota pro, 1 abstenim dhe 24 kundër.

“Rrjedhimisht, Kuvendi nuk ka mbajtur as nuk mban evidencë me emra të deputetëve, të cilët marrin pjesë në këto votime. Megjithatë, për shkak të interesimit të madh të mediave dhe kohës së gjatë deri në nxjerrjen e transkriptit, po pasqyrojmë rezultatet e votimit në seancën e sotme të jashtëzakonshme (03. 06. 2020), për zgjedhjen e Qeverisë së Republikës së Kosovës, sipas grupeve parlamentare”, thuhet në njoftim, derisa, janë publikuar edhe numrat e votave për secilin grup parlamentar.

Lista e votave për secilin grup parlamentar:

GP i LDK-së: prezentë 26 deputetë, munguan: Vjosa Osmani dhe Haxhi Avdyli Votimi: 25 për, 1 abstenim

GP i PDK-së prezentë: 24 deputetë

Votimi: 24 kundër

GP i AAK-së: prezentë 13 deputetë

Votimi: 12 për (deputetja Donika Kadaj-Bujupi e ka liruar sallën në kohën e votimit)

GP NISMA + AKR: prezentë 6 deputetë

6 për

GP i Listës serbe: prezentë 10 deputetë

Votimi: 10 për

Minoritetet jo serbe: prezentë 8 deputetë. Munguan: Zikreta Aliti dhe Elbert Krasniqi

Votimi: 8 për

Rezultati përfundimtar:

Prezentë në sallë kanë qenë 86 deputetë

61 deputetë kanë votuar PËR

24 deputetë KUNDËR

1 deputet ka ABSTENUAR .

Menu Title