[responsive-menu menu="logged-in-menu"]

Zviceranët, zemërgjerë me azilkërkuesit



Shumica e zviceranëve nuk do të kundërshtonin nëse ngritet një qendër azili në komunën, madje edhe në lagjen e tyre.

Botapress, 19 korrik

Kështu tregon një studim me 1220 njerëz të anketuar, i cili është publikuar në të përjavshmen francezo-zvicerane “L’HEBDO”. Kjo tregon se më shumë se një në dy të anketuar (54.1 për qind) do të pranonin një shtëpi azili në lagjen e tyre.  20.1 për qind do të pajtoheshin plotësisht, 34 për qind “deri diku pajtohen”.

Banorët e qyteteve të mëdha duket të jenë më të hapur se pjesa tjetër për këtë çështje. Në pjesën gjermanofolëse në Zvicër gatishmëria për të jetuar së bashku me azilkërkuesit është disi më i lartë se në pjesën frëngjishtfolëse.

Megjithatë, opinionet ndryshojnë kur është fjala për të ndihmuar personalisht azilkërkuesit. Edhe pse dy të tretat e të anketuarve (67 për qind) treguan të jenë të gatshëm për të dhënë mësimet e gjuhës gjermane, gati më shumë se 62.5 për qind nuk mund të imagjinojnë për të ftuar një azilkërkues ose një aplikant për darkë.

Edhe më e vështirë kur vjen puna për të marrë një refugjat nën çatinë e tyre. Vetëm një në pesë të anketuar (19,5 për qind) janë shprehur të gatshëm. Për të akomoduar një familje të tërë janë deklaruar vetëm 12.6 për qind të të anketuarve. Përsëri, qytetarët e pjesës gjermanishtfolëse në Zvicër kanë qenë më të hapur se ata në frëngjishtfolëse.

Vetëm një e katërta e të anketuarve (26.8 për qind) besojnë se zviceranët duhet të shqetësohen për pritjen e refugjatëve. Por një shumicë e madhe (57.4 për qind) thonë se është përgjegjësi e shtetit.

Anketa është kryer mes 2 dhe 7 korrikut në Internet nga MIS.

albinfo.ch

Menu Title