.
×

Vjosa Osmani sot merr pjesë në ceremoninë solemne të 50 vjetorit të UP-së



Botapress 15 Shkurt – Universiteti i Prishtinës për shënimin e 50 vjetorit të themelimit sot do të organizojë një ceremoni solemne. Aty do të marrin pjesë edhe krerët institucionale si kryeparlamentarja Vjosa Osmani dhe zëvendëskryeministri Haki Abazi.

Po ashtu, në këtë ceremoni fjalim do të mbajë edhe rektori Marjan Dema.

UP u themelua me Ligjin mbi themelimin e Universitetit të Prishtinës, të cilin e miratoi Kuvendi i Kosovës më 18 nëntor 1969.

Themelimi i Universitetit të Prishtinës ishte një ngjarje historike për popullin e Kosovës dhe sidomos për kombin shqiptar. Kuvendi themelues i Universitetit të Prishtinës u mbajt më 13 shkurt 1970, kurse dy ditë më vonë , më 15 shkurt 1970 u mbajt edhe mbledhja solemne e Kuvendit dhe data e 15 shkurtit u shpall Ditë e Universitetit të Prishtinës.