[responsive-menu menu="logged-in-menu"]

Vjosa Osmani: E kemi detyrim kushtetues ta nxjerrim Ligjin anti – Covid-19



Botapress 13  Korrik – Kryetarja e Kuvendit të Kosovës, Vjosa Osmani, ka thënë se Gjykata Kushtetuese e ka detyruar Kuvendin që ta nxjerr ligjin kundër pandemisë.“Nuk është çështje dëshire. Vendimet e Gjykatës Kushtetuese e kanë peshën e Kushtetutës.

E kemi detyrim që ta nxjerrim këtë ligj”, ka thënë Osmani.“Nuk është që na u ka tek, është i domosdoshëm, nga aspekti kushtetues por edhe human. Obligimin tonë karshi kësaj na e ka dhënë Gjykata Kushtetuese, duhet ta marrim me seriozitet”.

Osmani ka thënë se projektligjin e kanë hartuar ekspert më të mirë që ka vendin.“E kemi obligim që ta nxjerrim ligjin, është në procedura të Kuvendit sepse opinioni i Qeverisë nuk është obligues për ne.

Ideja ka qenë që të mos presim edhe dy muaj por ta trajtojmë më shpejt sepse nuk ka asgjë më urgjente sesa krijimi i bazës ligjore për masa efektive që kanë të bëjnë me shëndetin e qytetarëve. Kjo iniciativë nuk u përkrah sepse iniciues ishte propozuesi.

Sikur të veproja me logjikën e inateve nuk do ta votoja fare rishikimin e buxhetit, as marrëveshjet ndërkombëtare sepse do të më mjaftonte adresa e propozuesit”, raporton Klani.

Menu Title