[responsive-menu menu="logged-in-menu"]

Visar Ymeri tregon për opsionet se si mund të certifikohen listat e LVV-së, AAK-së e Nismës



Botapress 23 Janar – Ish-deputeti Visar Ymeri mendon se Gjykata Supreme do të urdhërojë certifikimin e kandidatëve të LVV-së, AAK-së dhe Nismës që nuk kanë pasur problem me ligjin.

Por Ymeri thotë se kjo do të bëhet duke i lënë jashtë listës kandidatët që kanë pasur dënime.

“Gjykata Supreme mund të thotë se duke u bazuar edhe në vendimin e Gjykatës Kushtetuese këta persona nga këto lista nuk mund të certifikohen ndërsa pjesa tjetër e listës është në rregull dhe certifikohet me apo pa zëvendësim [të personave të pa certifikuar]”.

Ai thotë se nuk është e drejtë t’iu ndalohet certifikimi qindra personave pse disa në ato lista kanë dënime.

“Nuk mundesh me ua ndalua LVV-së, AAK-së apo Nismës të garojnë në zgjedhje vetëm pse i kanë disa persona të dënuar. Ne po flasim për certifikim të kandidatëve dhe kandidaturat janë individuale. Nuk është në rregull nëse zoti Kurti s’mundet mu certifiku, të mos certifikohen edhe 100 kandidatë tjerë”.

Ymeri thotë se nuk ka nevojë për të krijuar panik dhe sipas tij gjithçka do të shkojë mirë në zgjedhje.

“Do të ishte humbje e madhe për LVV-në nëse i bojkoton zgjedhjet”, tha ndër të tjera Ymeri dje në Rtv Dukagjin./Express/

Menu Title