[responsive-menu menu="logged-in-menu"]

Vetëvendosje nuk i beson Kushtetueses: Kërkojnë procesverbalet e transkriptet e mbledhjes



Lëvizja Vetëvendosje po kërkon procesverbalet dhe transkriptet e Gjykatës Kushtetuese, pasi kjo e fundit vendosi në favor të dekretit të Presidentit Hashim Thaçi.

Përmes një shkrimi në rrjetin social Facebook, nga kjo parti thonë se dekreti është antikushtetues dhe nuk mund të justifikohet.

“Andaj si palë në këtë rast, kërkojmë të njihemi me dokumentet që dëshmojnë se mbi çfarë baze është argumentuar ajo që nuk mund të argumentohej në dritën e Kushtetutës së Republikës së Kosovës.”, thuhet tutje.

Njoftimi i plotë:

Kërkojmë pajisjen me procesverbalet dhe transkriptet e Gjykatës Kushtetuese

Marrë parasysh rëndësinë dhe ndikimin e madh për rendin kushtetues dhe demokracinë në vendin tonë, domosdoshmërinë për pasqyruar gjithë procesin e shqyrtimit dhe të vendosjes nga ana e Gjykatës Kushtetuese për dekretin antikushtetues të presidentit, sot Kryetari i Grupit Parlamentar i Lëvizjes VETËVEDOSJE! Z. Rexhep Selimi ka kërkuar nga Gjykata që në përputhje me përgjegjësinë për të qenë e hapur dhe transparente për publikun, e veçanërisht për palët, që në afat sa më të shpejtë dhe në format autentik të na ofrojë të gjitha dokumentet, duke përfshirë edhe procesverbalet dhe transkriptet që pasqyrojnë procesin e shqyrtimit dhe të marrjes së vendimit nga ana e Gjykatës Kushtetuese për rastin KO72/20.

Dekreti antikushtetues i Presidnetit nuk mund të justifikohet përmes Kushtetutës së Republikës së Kosovës, ashtu sikurse aktgjykimi i Gjykatës Kushtetuese është vënë mbi Kushtetutën për ta arsyetuar Presidentin. Andaj si palë në këtë rast, kërkojmë të njihemi me dokumentet që dëshmojnë se mbi çfarë baze është argumentuar ajo që nuk mund të argumentohej në dritën e Kushtetutës së Republikës së Kosovës.

Menu Title