[responsive-menu menu="logged-in-menu"]

Vetëvendosje nga shteti që “nuk e njeh” merr gati 1 milion euro ‘para të thata’



Visar Ymeri dhe Donika Kadaj dje u bënë sensacion medial, por për të keq. Kryetari i Lëvizjes Vetëvendosje dhe deputetja e kësaj partie nuk u ngritën në këmbë derisa në Konventën zgjedhore të AKR-së u intonua himni i Kosovës.
Ky skandal bëri që të ketë reagime të shumta gjithandej vendit.

Analistët kosovarë “gozhduan” Visar Ymerin dhe Donika Kadajn për këtë gjest tejet skandaloz, shkruan lajmi.net.

Për Donika Kadajn dolën fotografi dhe video kur ajo nderonte himnin dhe flamurin e Kosovës derisa ishte në AAK.

Për Visar Ymerin dolën fotografi nga takimi me zyrtarë të BE-së ku ai e kishte të vendosur përpara flamurin e Kosovës.

Adriatik Kelmendi, gazetar dhe analist, shkroi nder tjerash në facebook se njerëzit e Vetëvendosjes i marrin pagat e shtetit të Kosovës, por shtetin nuk e njohin dhe nuk e respektojnë.

Me një kërkim të vogël del Lëvizja Vetëvendosje brenda vitit nga buxheti i Kosovës merr mbi 560 mijë euro. Këto janë parë që ndahen nga fondi 4 milionësh i Buxhetit të Kosovës për mbështetjen e partive politike.

Jo vetëm kaq, deputetët e Vetëvendosjes në Kuvendin e Kosovës brenda vitit marrin më shumë se 300 mijë euro paga dhe meditje. /Lajmi.

Menu Title