.
×

Tërmet në Bosnjën Qendrore – njerëzit qëndrojnë në rrugë



Botapress 15 Gusht-Një tërmet me magnitudë 3.5 shkallësh të Richterit goditi të mërkurën zonën më të gjerë të Zenicës ose të Bosnjës Qendrore.

Siç raportohet nga Qendra Sizmike Europiano-Mesdhetare, epiqendra ishte 57 kilometra në veriperëndim të Sarajevës, pranë Lokvine, në një thellësi prej dhjetë kilometrash.

Sipas mediave boshnjake, përcjell Telegrafi, tërmeti që zgjati disa sekonda ishte i fortë dhe njerëzit ishin të frikësuar, duke dalë nga shtëpitë e tyre në rrugë.

Gjithashtu pati edhe ndërprerje të rrymës elektrike.

Dridhjet, siç thuhet më tej, u ndjenë pothuajse në të gjitha vendet në Bosnjën Qendrore, por edhe në Sarajevë./BP/