.
×

Ramije Ajdini: Guguftua



 

Vjen vargëtimi yt

flutrim fajkoi

Seç m’u lëbyr syri

m’u thye qerpiku

Rrahja e zemrës tënde

ëndrrat m’i trazoi

Gëzimloti për ty

nën mjekër më piku

 

Zëri yt qiellit virgjër

fluron përpjetë

E ndjek mallëngjyeshëm

përplot ndjesi

Kënga çanë mjegulla

vërtik i shpon retë

Unë nën degë bliri

thurri simfoni

 

Eja t’ngremë fole

në atë qosh kojrie

Të shijojmë blerimet

kur t’vjen pranvera

Ti me klithmë skifteri

unë me këngë kumrie

Zemrat e përflakura

le t’na i flladit era

 

Jehon vargu yt

më ngazëllon ndër dej

Zëri yt i mprehtë

krijonë shungëllimë

At klithmë skifteri

në zemër e ndjej

Shtatin ma përshkon

e ëmbla drithërimë

 

Eja të ngremë çerdhen

lart mbi atë përrua

Le të dëgjojmë ujin

sa ëmbël gurgullon

Ti këndo si skifter

unë si guguftua

Dritë e YLLIT tim

mbi ballë na ndriçon