.
×

QKRMT reagon për publikimin e fotografisë pa censurë nga deputetja e PDK-së, Flora Brovina



Qendra Kosovare për Rehabilitimin e të Mbijetuarve të Torturës (QKRMT) ka reaguar në lidhje me publikimin e fotografisë së një gruaje të dhunuar nga tre ushtarë serbë gjatë luftës në Kosova nga deputetes së PDK-së, Flora Brovina.

Në reagimin e QKRMT-së thuhet se kanë pranuar shumë telefonata nga të mbijetuarit e dhunës seksuale gjatë luftës në Kosovë si dhe nga familjarët e tyre – ku janë shprehur tejet të shqetësuar dhe të indinjuar pas publikimit të këtyre pamjeve, shkruan Insajderi.

“Publikimi i këtyre pamjeve në mënyrë të plotë – pa cenzurë, i ka rikthyer kujtimet e tmerrshme të luftës për shumë gra, burra e fëmijë që kanë përjetuar këtë tmerr”, thuhet mes tjerash në reagimin e QKRMT-së.

Reagimi i plotë:

Pas publikimit në media dhe rrjetet sociale të fotografisë, e cila paraqet kryerjen e dhunimeve gjatë luftës në Kosovë, QKRMT ka pranuar shumë telefonata dhe reagime nga të mbijetuarit e dhunës seksuale gjatë luftës në Kosovë si dhe nga familjarët e tyre. Të mbijetuarit e dhunës seksuale gjatë luftës në Kosovë janë tepër të shqetësuar dhe të indinjuar pas publikimit të këtyre pamjeve.

Publikimi i këtyre pamjeve në mënyrë të plotë – pa cenzurë, i ka rikthyer kujtimet e tmerrshme të luftës për shumë gra, burra e fëmijë që kanë përjetuar këtë tmerr, duke ritraumatizuar dhe duke i thelluar edhe me tej plagët dhe dhimbjet shpirtërore të tyre të përjetuara gjatë luftës.

Paraqitja e këtyre imazheve në mënyrë publike më së paku iu ndihmon të mbijetuarve të dhunës seksuale gjatë luftës si dhe familjarëve të tyre, andaj për shkak të emocioneve të provokuara dhe për shkak të pamjeve të ndieshme, kërkojmë nga mediat dhe të gjithë ata që e kanë publikuar këtë fotografi, ta largojnë nga shfaqja në publik