.
×

Problemet dhe sëmundja mendore e kanë rrënuar Britneyn



Pas problemeve me ish-bashkëshortin dhe babanë e saj, Britney Spears është shfaqur në publik me të dashurin e ri, Sam Asghari.

Këngëtarja e famshme dhe partneri i saj, modeli 25 vjeçar, kanë marrë pjesë në evenimentin e ndarjes së çmimeve ‘Daytime Beauty Awards’ në Los Angeles të Kalifornisë.

I dashur i saj ka fituar një çmim për rezultatet në fitnes, ndërsa atë e ka mbështetur e dashura e tij, këngëtarja 37 vjeçare.

Britney Spears dhe Sam Asghari (Foto: Tommaso Boddi/Getty Images/Guliver)

Britney dukej në gjendje shumë të keqe, me ç’rast shihej qartë ndikimi i jetës së saj private dhe problemeve psikike në dukjen e yllit të muzikës pop.

Ajo dukej shumë e lodhur, me peshë të shtuar, si edhe nuk i kishte më linjat trupore, për të cilat është angazhuar shumë në të kaluarën.

Britney Spears dhe Sam Asghari (Foto: Tommaso Boddi/Getty Images/Guliver)

Më herët gjatë këtij viti, Spears ishte shtrirë vullnetarisht në një qendër të shëndetit mendor, sepse e kishte pasur të vështirë që të përballej me sëmundjen e babait. Mirëpo, më vonë kishte thënë se babai e ka detyruar të shtrihej në atë qendër dhe se ia ka dhënë me zor barnat që në të kaluarën ka refuzuar t’i marrë, përkundër se ishin me rekomandim të mjekut.

Ish-burri i saj, Kevin Federline, e ka akuzuar babanë e këngëtares se e ka keqtrajtuar fizikisht djalin e madh të tyre dhe në këtë mënyrë e ka marrë 70 për qind të kujdestarisë së dy djemve të çiftit të dikurshëm, gjë që e rrënoi akoma më shumë Britneyn.