.
×

Nënkryetari i AAK-së i quan “matrapazë” drejtuesit e SBASHK-ut…



Kur ishte koha e votave, kryetari i AAK-së Ramush Haradinaj nënshkroi marrëveshje dhe premtoi rritje të pagave për arsimtarët në këmbim të votës. Sot kur pagat nuk u rritën dhe kur greva e SBASHK-ut nuk po merr fund, nënkryetari i AAK-së e kryetari i Komunës së Gjakovës Ardian Gjini përmes një postimi në Facebook ka ftuar arsimtarët që të fillojnë mësimin duke e quajtur grevën “puro politike” dhe duke i quajtur drejtuesit e SBASHK-ut “matrapazë”, përcjellë Botapress. Ja postimi i Adrian Gjinit në Facebook: Të dashur mësues,Mësuesi i Kosovës nuk i ka lënë fëmijët jasht bankave të shkollës edhe në kushte të rrezikut fizik dhe pa u paguar fare. Paga e mësuesve po rritet pothuajse 15% në më pak se dy vite. Një mandat qeverisës, me këtë ritëm, premton rritje deri në 30 %. Nesër do të publikohen pagat e shërbyesve civil të komunës. Le ta shohin të gjithë sa janë e të mos spekulojnë.Po iu flas si bashkqytetar i juaji e jo si kryetar komune! Lutja ime për ju është kjo:Mos i leni fëmijët tanë jasht bankave të tyre për shkak të disa njerëzve që kanë agjendë puro politike!Mos lejoni që të humbasë respekti i prindërve, i fëmijëve dhe i gjithë popullit për shkak të një grushti njerëzish që nuk mendojnë fare për ju! Mos lejoni që të arrijmë në pikën kur puna juaj fisnike të konsidetohet nga populli vetëm një vend pune pothuajse i pamerituar dhe vetëm për rrogë! Askush nuk e meriton këtë gjendje për shkak të një grushti që janë të gatshëm ta tregtojnë të ardhmen në këmbim të të sotmes!Më së paku e meritojnë fëmijët që po humbin ditë pune dhe po dëmtohen emocionalisht;E menjëherë pas tyre, nuk e meritoni ju mësues të dashur! Ju meritoni respekt dhe e gëzoni atë! Mos e lëshoni nga duart për hir të matrapazëve! Gjithmonë i juaji, unë që jam rritur nga një mësuese që ka punuar në kohët më të zorshme, edhe pa rrogë!