.
×

Mimoza Kusari nuk e mohon përfshirjen në listën zgjedhore të Lëvizjes Vetëvendosje



Kryetarja e subjektit politik Alternativa, Mimoza Kusari, nuk e ka mohuar përfshirjen e partisë së saj në listën zgjedhore të Lëvizjes Vetëvendosje.

Afati për lidhje të koalicioneve parazgjedhore kaloi disa ditë më parë, andaj lidhja e një koalicioni mes këtyre dy partive do ishte e pamundur. Mirëpo tani ekziston mundësia që vetëm disa anëtarë të Alternativës të përfshihen në listën zgjedhore të Lëvizjes Vetëvendosje.

Këtë e konfirmon edhe Mimoza Kusari.

“Ende nuk është definitive nëse do të refuzojmë apo jo përfshirjen tonë në listën e Lëvizjes Vetëvendosje”, ka thënë ish kryetarja e Komunës së Gjakovës në një emisionin në televizionin Dukagjini.

Para disa kohëve partneri i Kusarit në Alternativa, Ilir Deda, la të kuptohej se nuk do të garonte fare në këto zgjedhje.