[responsive-menu menu="logged-in-menu"]

Mero Baze: Një hordhi osmane kundër shtetit të Kosovës



 

Ushtruasja e detyrës së presidentit të Kosovës, Vjosa Osmani, ka kërcënuar Komisionin Qendror të Zgjedhjeve se mund ta shkrijë atë, nëse nuk pranon të regjistrojë Albin Kurtin dhe disa kandidatë të “Vetëvendosjes” në listën e deputetëve, vendim që buron nga vendimi i Gjykatës Kushtetuese të Kosovës.
Ndërhyrja e Vjosa Osmanit, e clia kryen detyra të presidentit, krijon për herë të parë një precedent të rëndë për shtetin e ri të Kosovës, pasi implikon presidentin në procesin e deligjimtimit të arbritrit të zgjedhjeve në vend, duke i hapur rrugë me dhunë paligjshmërisë së rezultatit të zgjedhjeve.
Pas një fushate treditore kërcënimes verbale mbi kryetaren e KQZ, të cilat janë tipar dallues i “Vetëvendosjes”, si parti linçuese, përfshirja e institucionit të Presidentit në këtë fushatë kërcënimesh, e fut Kosovën në spiralen e paligjshmërisë së zgjedhjeve, pasi kërkohet që përmes dhunës verbale dhe institucionale, t’i imponohet Kosovës një listë kandidatësh të paligjshëm, të çertifikuar si të tillë, nga një vendim i Gjykatës Kushtetuese të Kosovës dhe institucioneve të tjera.
Është pak a shumë ajo që bëri presidenti Trump, duke i bërë thirrje mbështetësve të tij, të sulmojnë institucionin që po çertifikonte zgjedhjet, pasi i “bindi” që vullneti i popullit ishte manipuluar.
Albin kurti bëri të njëjtën gjë. Ai tre ditë më parë kërkoi nga KQZ t’i nënshtroheh vullnetit të popullit dhe jo vendimit të Gjykatës Kushtetuese. Këtë gjë e përsëriti Vjosa Osmani.
Tani ajo që mund të ndodhë, është që “populli” t’i turret KQZ-së, të djegë listat e zgjedhësve dhe t’i shpallë vetë kandidatët, pa i çertifikuar asnjë institucion, pasi ky është kuptimi që Kurti ka për vullnetin e popullit.
Por ndërsa Albini aktualisht është thjesht një kandidat i ndëshkuar nga drejtësia, që nuk lejtohet të kandidojë, Vjosa Osmani është kryesuese e Kuvendit dhe ushtruese e detyrës së presidentit. Ndaj ajo mund të kalojë në heshtje.
Në kushtet e mungesës së Kuvendit, ajo përfiton që mund të mos ndërret një iniciativë për shkarkimin e saj, por ajo dueht të merret në Parlamentin e ri, pavarëisht rezultatit.
Ajo nuk mund të kalojë pa u ndëshkuar për këtë akt.
Edhe presidenti Trump nuk u arrit të shkarkohej pas skandalit që bëri, por Senati po e çon deri në fund përpjekjen e tij për ta ndëshkuar atë.
Kjo mendësi revolucionarësh, që duan të hyjnë në zgjedhje duke vrarë së pari arbitrin e duke mos respektuar asnjë ligj të shtetit të Kosovës, tani ka në krye të saj presidenten në detyrë të Kosovës, Vjosa Osmanin. Dhe ngjan vërtet si një hordhi osmane. (Marrë nga Tema)

Menu Title