[responsive-menu menu="logged-in-menu"]

Lladrovci vjen me një thirrje për qytetarët Drenasit në prag të fushatës elektorale



Kryetari i komunës së Drenasit, Ramiz Lladrovci, u ka bërë thirrje qytetarëve të Drenasit që të jenë të kujdesshëm se kë do të votojnë me 14 shkurt.

Lladrovci në shkrimin e tij në Facebook ka thënë se komuna e Drenasit po bëhet zonë e interesit “të veçantë” në kohën e fushatave .Ai ka thënë se po bëhen shumë premtime pa logjikë të cilat po shkaktojnë habi.

“Për fat të keq, këto lloj fushatash të premtimeve që po jepen para qytetarëve tanë pa logjikë e kufizim, po shkaktojnë jo vetëm huti, por edhe habi. Ku ishin këta demokratë qe 20 vjet, ku ishin këta patriotë qe sa mandate, për të punuar e kontribuar për Drenasin dhe Drenicën që tashmë e kanë gojën plotë me premtime” shkruan Lladrovci në Facebook.Postimi i plotë:

Qytetarë të komunës së Drenasit,

Komuna jonë dhe Drenica në përgjithësi, ka qenë, është dhe mbetet shembull i mikpritjes dhe respektit për mysafirin. Në fushata politike, komuna jonë po bëhet zonë e interesit “të veçantë”, duke pritur parti politike dhe personalitete që janë të njohura në opinion se kush e “emëroi”, “i kujt është” madje, edhe për kë “punon”.

Për fat të keq, këto lloj fushatash të premtimeve që po jepen para qytetarëve tanë pa logjikë e kufizim, po shkaktojnë jo vetëm huti, por edhe habi. Ku ishin këta demokratë qe 20 vjet, ku ishin këta patriotë qe sa mandate, për të punuar e kontribuar për Drenasin dhe Drenicën që tashmë e kanë gojën plotë me premtime.

Megjithatë, në tërë këtë ofensivë të takimeve me qytetarë, kam një ftesë për qytetarët e komunës së Drenasit:Ju ftoj të jeni syçelë se kujt po ia jepni votën. Mikpritje secilit dhe premtim secilit, për ata që po premtojnë gjithçka për Drenasin, ndërsa më 14 Shkurt, votën më meritorëve që komuna e Drenasit të jetë prioritet i atyre që zgjedhën.

Pavarësisht se kush i ka propozuar, apo për kë “punojnë” kandidatët e PDK-së në Drenas, duhet të çmohen. Ua kam tërhequr vëmendjen edhe më herët publikisht me fjalën e urtë për pulën që ha grurin në Drenas…

Menu Title