.
×

LDK me kandidat për president, kush është ai?



 Botapress, 24 shkurt – Derisa Grupi Parlamentar i Partisë Demokratike të Kosovës (PDK) i ka bërë të gjitha përgatitjet e nevojshme për ta votuar Hashim Thaçin si president të Kosovës brenda këtyre ditëve, madje edhe për të festuar në Prishtinë, në anën tjetër partneri në koalicion, Lidhja Demokratike e Kosovës (LDK), po planifikon të dalë me një kundërkandidat për president.

Burime të “Zërit” brenda koalicionit thonë se kundërkandidati i LDK-së nuk do të bëhet për të rrezikuar Thaçin në postin e presidentit, pasi që për këtë kanë marrëveshje për qeverisje, por për t’i nxitur të “pakënaqurit” e kësaj partie që të qëndrojnë në sallë dhe në këtë mënyrë të sigurohet kuorumi për zgjedhjen e presidentit.

Sipas të të njëjtave burime, kjo çështje është duke u shqyrtuar brenda koalicionit, pasi konsiderohet si mënyra më e mirë për të siguruar kuorumin prej 80 deputetëve në seancën kur Thaçi pritet të zgjidhet në krye të shtetit. Përveç kësaj, në këtë formë do të plotësohej edhe kushti tjetër që në garën për president të ketë më shumë një kandidat. /Zëri/