.
×

Kosnett tregon në tre pika se çfarë i mungon Kosovës për zhvillim



Botapress 19 Qershor – Ambasadori amerikan Philipp Kosnett ka mbajtur një fjalim me rastin e mbylljes së partnershipit të programit transformues të bursave për lidership.

Ambasadori Kosnett ka vlerësuar të diplomuarit që kanë përfituar nga ky program. Gjithashtu Kosnett ka vlerësuar transformimin që ka parë në Kosovë që nga vizita e tij e fundit në vitin 2003.

“Jam i gëzuar me progresin që kam parë. Jo vetëm rrugët e reja por edhe për arritjet e gjeneratave që po vijnë. Ata janë të edukuar dhe energjikë”, ka thënë Kosnett.

Falë programit TLP për bursa, 300 studentë kosovarë kanë shkuar në SHBA dhe janë kthyer me diploma.

Kosnett ka thënë se njerëzit shpesh e pyesin se pse investitorët amerikan nuk vijnë në Kosovë për të investuar, duke ditur se sa Kosova i don SHBA’të.

“Më duhet të u them lajmin e keq. Amerikanët investojnë aty ku janë kushtet e biznesit. Pikë”, tha Kosnett.

Kosnett ka treguar në tre pika ato që i mungojnë Kosovës dhe ku i duhet më shumë punë.

E para, është zhvillimi i sektorit privatë. Aty duhet një investim më i madh në edukim.

“Një menaxhere fëmër më ka treguar se në Kosovë studentët nuk mësojnë ato që u duhet për të treguar sukses në tregun e punës”, tregoi Kosnett.

“Për të mbyllur këtë hapësirë në Kosvë, qeveria duhet të fokusohet në dhënien e mundësive për të rinjtë që të zhvillojnë aftësitë e tyre të nevojshme për punë”.

E dyta është kërkesa për drejtësi, specifikisht të drejta të barabarta dhe mundësi. Mbrojtje të barabartë për të gjithë nga ligji dhe besimi se njerëzit do japin llogari para ligjit.

“Gjykata duhet të i kryejë më shpejt rastet e mosmarrëveshjeve. Dhe gjithashtu duhet të ndalet korrupsioni”

Këtu si shembull ambasadori e ka marrë shtetin e Estonisë, e cila pas pavarësisë shpejt e ka reformuar gjyqësorin dhe sot është ndër shtetet që së shumti afron investime të huaja.

Dhe në fund është nevoja për paqe. Paqe për komuntitetet që jetojnë në Kosovë, dhe paqja me fqinjët.

“Paqja është diçka më shumë se sa mungesa e luftës.Është një vyrtyt, një gjendje mendore, një shpërndarje e besimit në drejtësi”, ka përfunduar Kosnett.