.
×

Kjo është ura që do të lidhë Evropën me Kinën



Autoritetet në Rajonin Samara të Rusisë janë të gatshëm të fillojnë ndërtimin e një ure përgjatë Vollgës. Kjo është pjesa e parë e një korridori ambicioz të trafikut ndërkombëtar që lidh Evropën me Kinën Perëndimore. Ura do të kushtojë 120.8 miliardë dollarë sipas marrëveshjes së ndërtimit.

Gjysma e kësaj shume do të ndahet si grant kapital nga buxheti rajonal, pjesa tjetër e financimit do të jepet nga investitori, Obkhod Togliatti (bypass-i Togliatti). Ura do të jetë pjesë e autostradës së re që lidh Moskën dhe Kazanin, kryeqytetin e republikës Tatarstan të Rusisë.

Rruga e re do të zvogëlojë në masë të madhe kohën e udhëtimit nga Moska në Kazan, si dhe në një qytet tjetër të madh në Rusinë Qendrore – Samara – nga 16 në 8 orë aktuale, tregojnë dokumentet e projektit.

Ndërtimi është vendosur të fillojë më vonë këtë vit, dhe ura është planifikuar të bëhet operacionale deri në vitin 2024. Mendohet se mund të ndërtohet nga kompania Mostotrest, e cila është në pronësi të miliarderit rus Arkady Rotenberg, por ai informacion ende nuk është konfirmuar nga autoritetet.

Investitorët planifikojnë të vënë një tarifë për kalimin me pagesa që variojnë nga 3 dollarë deri në 18 dollarë në varësi të makinave.