A+ A A-
BOTA PRESS

BOTA PRESS

BOTAPRESS

Posta do të ofroje shërbimin e-Commerce

Tuesday, 29 July 2014 10:08 Published in Ekonomi

​Qytetarët dhe bizneset e Kosoves së shpejti do të kenë mundësi të shfrytëzojnë shërbimin e-Commerce të Postës së Kosovës Sh.A. Ndërtimi i këtij shërbimi të ri është bërë i mundshëm duke ju falënderuar përkrahjes nga Posta Turke.

Pas konsultimeve intensive mes eksperteve të të dyja kompanive, sot është nënshkruar marrëveshja për e-Commerce nga Kryeshefi Ekzekutiv i Postës, Sejdi Hoxha dhe Kryetarit të Bordit dhe Drejtorit të Përgjithshëm të Postës Turke, Osman Tural. 

“Shërbimi e-commerce, përkatësisht tregtia në internet, do të ju mundësojë qytetarëve të Kosovës që të blejnë, por edhe të shesin mallra të llojllojshme, 24 orë në ditë, 7 ditë në javë. Këtë mundësi për blerje dhe shitje do ta kenë edhe bizneset kosovare. Ato mund t’i plasojnë dhe promovojnë produktet e tyre në tregun online që do ta ofrojë Posta e Kosovës përmes Postës Turke”, ka thënë Hoxha, pas nënshkrimit të marrëveshjes.

Për transportin e mallrave të blera ose të shitura do të përkujdeset Posta e Kosovës e cila do t’i shpërndajë në adresën që e përcakton konsumatori.

Blerjet online në Kosovë janë shtuar dukshëm, sidomos këtë vit. Mijëra qytetarë Kosovës blejnë mallra në tregun online të shteteve të ndryshme, por këto mallra nuk vijnë direkt në Kosovë, por përmes Postës Shqiptare.

Ndërkaq, shërbimi e-Commerce të cilin do ta funksionalizojmë sa më shpejt që të jetë e mundshme, mundëson që mallrat të vijnë direkt në Kosovë dhe ato t’i shpërndajë Posta e Kosovës. Kjo ndikon që edhe kostoja të jetë më e vogël, ndërsa shërbimi shumë më i shpejtë.

“Të gjitha mallrat e Kosovës mund të plasohen në tregun turk dhe në tërë botën”, ka thënë drejtori Tural. Ai shtoi se dyert e Postës Turke mbesin të hapura për Postën e Kosovës në mënyrë që nga bashkëpunimi i ndërsjellë të përfitojnë të dyja kompanitë dhe qytetarët e të dyja vendeve.

Kryeshefi Hoxha ka falënderuar Postën Turke për ndihmën që i ka ofruar Postës së Kosovës.

“Posta e Kosovës ka një bashkëpunim të shkëlqyeshëm me Postën Turke. Ekspertiza e Postës Turke, në fusha të ndryshme ka qenë shumë e mirëseardhur për Postën e Kosovës. Shkëmbimi i përvojave do të vazhdoj edhe në të ardhmen”, ka thënë ai.

Hoxha u zotua se Posta e Kosovës do të sjellë edhe shërbime tjera të standardeve evropiane.

 

Në 13 vjetorin e rënies të martë  në Varrezat e Dëshmorëve të UÇK-së në Ferizaj janë përkujtuar Hyrë Emini-Mira dhe Brahim Ademi-Teteja, të rënë në Tanushë në afërsi të Gostivarit. Bashkëluftëtarë të shumtë, të afërmit dhe qytetarë të Ferizajt mbi varret e tyre kanë vendosur kurora me lule në shenjë respekti dhe janë përkulur thellë para sakrificës së tyre sublime.

 Këtë të martë janë bërë homazhe në nderim të dëshmorëve Hyre Emini- Mira dhe Ibrahim Ademi- Teteja që ranë në altarin e lirisë 13 vite më parë në Tanushë të Gostivarit.

Për t’i përkujtuar këta dëshmorë me homazhe morën pjesë, kryetari i komunës së Ferizajt, Muharrem Svarqa së bashku me nënkryetarin Xhavit Zariqin, drejtorë të Drejtorive Komunale të Ferizajt, përfaqësues të Shoqatës së Familjeve të Dëshmorëve,  drejtues të Shoqatave të Dala nga Lufta e Maqedonisë, drejtues të subjekteve politike si  dhe familjarë të dëshmorëve.

Me këtë rast Kryetari i Shoqatës së Familjeve të Dëshmorëve në Ferizaj Gafurr Bytyqi, ka thënë se këta dy dëshmorë nuk u ndalën pas luftës së Kosovës, por vazhduan edhe në Maqedoni.

“ Ranë në mënyrën me heroike të mundshme,  ranë për të mos vdekur kurrë.  Kosova dhe gjithë shqiptaria krenohen me iluministen, patrioten, intelektualen e shquar Hyrë Eminin-Mirën dhe  me guximin e pa shoqë të Ibrahim Ademit TT-në”, ka thënë Bytyqi.

 

Ndërsa familjarët e dëshmorëve Hyre Emini-Mira dhe Brahim Ademi –Teteja, janë shprehur se dhembjen e tyre tashmë e kanë shndërruar në krenari.

“Jemi krenar për këtë ditë që i kujtojmë këta dëshmorë të cilët si sot në këtë ditë ranë dëshmorë në Tanushë të Gostivarit,  në luftën për bashkim kombëtar. Krenaria është natyrisht edhe dhembja , por kur dihet për idealin që kanë ra dominon  krenaria”, është shprehur Ramdan Emini i vëllai i dëshmores Hyre Emini.

Edhe Tefik Ademi, babi i dëshmorit Brahim Ademi Tt-ja është shprehur mjaft i kënaqur me pjesëmarrjen në këto homazhe me rastin e 12 vjetorit të rënies heroike të dëshmorëve.

“Jemi krenar për bijtë që i patëm dhe që ja fatlum këtij dheu. Janë të prekshme pak këto ditë për neve familjarët mirëpo kur ka vizita dhe homazhe ndjehemi mjaft mire” është shprehur Tefik Ademi, babai i dëshmorit Brahim Ademi.

Bashkë me komandant Tahir Sinanin, Mirën dhe Teten në Tanushë të Gostivarit, më 29 korrik 2001 ranë në altarin e lirisë edhe Naser Ademi, Hisë Fazliu.

 

Në përvjetorin e 12 të rënies së tyre është paraparë mbajtja e një sërë manifestimesh në Gostivar dhe rrethinë.

 

Opinione

Pse (nuk) u lag Enver Hasani!?

     Pse (nuk) u lag Enver Hasani!?

Shpallja e vendimit të Gjykatës Kushtetuese më të cilin hidhet poshtë e gjithë p... Read more

AKI përfundimisht joprofesionale!

 AKI përfundimisht joprofesionale!

Bahri Gashi, PhD. Skandalet që nuk kanë të ndalur lidhur me funksionimin, organ... Read more

Pres që Kushtetuesja ta pezullojë bllokadën institucionale!

Pres që Kushtetuesja ta pezullojë bllokadën institucionale!

Shkruan: Nehat Hyseni  Pritjet tona nga seanca Kushtetuesja janë për zhbllokimin... Read more

Ndalohet marrja dhe shpërndarja në media, portale, pa autorizim paraprak nga BotaPress. Përdorimi i materialeve pa lejen e BotaPress është shkelje e te drejtave autoriale sipas ligjit ne fuqi mbi mbrojtjen e të drejtave autoriale.