[responsive-menu menu="logged-in-menu"]

Haziri: Publikimi i aktakuzave për Thaçin dhe Veselin, dush i ftohtë për Kosovën



Nënkryetari i LDK-së, Lutfi Haziri  ka folur për rastet e fundit të arrestimeve në Kosovë nga Gjykata Speciale. Ai ne emisionin “Debat” në RTK ka thënë se dallojnë rastet e gjykimit të Mustafës me Haradinajn dhe Gucatit. Ai ka folur për Dhomat e Specializuara duke thënë se ato janë të Kosovë dhe këtu s’ka asgjë të keqe.

“Ata kanë punuar që pesë vjet për rregulloret dhe procedurat e brendshme. Pra, kjo Gjykatë është e pavarur dhe vet shkuarja e saj në Holandë tregon për dështimin e sistemin tonë të drejtësisë për trajtimin e këtyre rasteve”, tha Haziri

Ai ka thënë se Gjykata Speciale është instanca e fundit që duhet ta mbyll kapitullin e luftës.

“Kam thënë se Kosova duhet të pastrohet, lufta duhet të pastrohet pasi që 15 vjet jemi duke u marrë më këtë. Lufta duhet të lahet me drejtësi dhe kjo tash duhet të mbyllet”, shtoi ai.

“Në dy proceset e mëhershme është tentuar të  vendoset drejtësi me disa nënkomandantë, por jo të nivelit të lartë, pasi që janë kërkuar arrestime të peshqve të mëdha. Pra, janë bërë kërkesa deri në ditën kur prokurori doli me njoftim për Thaçin dhe Veselin dhe nëntë të tjerë”, thekoi Haziri.

Në vazhdim Haziri theksoi se publikimi i propozim-aktakuzës për Thaçin dhe Veselin ka qenë dush i ftoftë për Kosovën, pasi që janë prekur krerët e shtetit.

“Kryengritja ka ndodhur në shtëpi, duke nisur nga familja Jashari. Debati ka qenë nëse kemi pas luftë apo kryengritje dhe ka qenë debat i kotë. Kjo duhet të mbyllet, pasi që Kosova s’mund të jetë peng e indvidëve dhe të mbyllet ajo që ka ndodhur për 18 muaj luftë në Kosovë”, tha nënkryetari i LDK-së.

 

Menu Title