[responsive-menu menu="logged-in-menu"]

Gashi i PDK i reagon Muratit të VV: Po vazhdoni t’i mashtroni e bllokoni qytetarët për pakon ekonomike



Deputeti i PDK-së, Kujtim Gashi i ka reaguar Hekuran Muratit nga VV, duke e quajtur mashtrues dhe se ka bllokuar vendin.

Ky është postimi plotë i tij:

Mashtrues më të madh se Hekuran Murati pak gjindet. Asistenti i Besnik Bislimit, ministrit të zvogëlimit të papunësisë në kohë pandemie, i cili duke drejtuar gishtin nga PDK-ja, dëshiron të mbulojë dështimet e Vetëvendosjes gjatë 100 ditëve që i la bizneset dhe punëtorët kosovarë pa asnjë ndihmë. Bashkëpartiaku i Kozeta Hajdarit që thoshte se “coronavirusin nuk e kemi sjellë ne prandaj nuk mbajmë përgjegjësi për dëmtimin e ekonomisë”.

Ky mentalitet na u shfaq edhe në seancat e fundit të Kuvendit, tani VV opozitare. Jo vetëm që nuk e mbështeti rishikimin e buxhetit për të vazhduar me ndarjen e pagesave, por u mundua ta bllokoj atë. E njëjta parti nuk i votoi as marrëveshjet ndërkombëtare që janë infuzion i domosdoshmën për ekonominë tonë në kohë pandemie.

PDK-ja ka qenë, është dhe do të mbetet zëri i vërtetë i qytetarëve të Kosovës. Ishte zëri i të pambrojturve edhe dje, kur qeveria e Hekuranit, mashtroi qytetarët e vendit duke i lënë të vetmuar në kohë pandemie. Ne do të jemi zë edhe sot, kur ata kanë më së shumti nevojë për mbështetjen tonë. PDK nuk bën kalkulime politike, kur është në pyetje interesi qytetar!

Menu Title