.
×

Është miliardere por thotë se jeta e saj nuk është perfekte



Jeta për miliarderen më të re në botë duket se nuk ashtu aspak sikurse mendohet. Madje, nuk ka shumë dallim nga ajo e njerëzve të thjeshtë. Kylie Jenner ka postuar së fundmi në “Instagram” një foto ku shihet e drejtuar nga një det i ngjyrosur me nuancat e muzgut dhe krahas saj ka shkruar se gjithçka që pikaset në llogarinë e saj personale është veçse sipërfaqja.

“Jam krenare me veten, zemrën dhe fuqinë time. Të rritesh me miliona sy që të shohin nuk është normale. Kam humbur shokë e shoqe gjatë rrugës dhe veten disa herë. Tatuazhi im i parë ishte ‘sanity’ për t’i kujtuar vetes çdo ditë për ta mbajtur mendjen të shëndoshë. Kam vuajtur nga ankthi gjatë gjithë jetës sime si e rritur dhe pasi lindi vogëlushja u përballa me ulje-ngritje.Ndihesha sikur duhet të rigjeja sërish veten. Mbajta shumë për vete por thjesht dua ta ndaj me ju dhe t’ju them se jam njeri.

Jeta ime nuk është perfekte dhe ajo që shihni këtu në median sociale është vetëm sipërfaqja. Tregohu i butë me veten, ec para dhe harro. Të gjithë jemi të aftë për gjëra të mëdha, meritojmë dashuri dhe na lejohet të shprehim vetëveten. Bëj më shumë gjëra që të bëjnë të lumtur dhe mos kërko falje”-ka shkruar Kylie.