[responsive-menu menu="logged-in-menu"]

Detaje të rëndësishme se a mund të vazhdojë dialogu Kosovë-Serbi!



Botapress 30 Qershor – Vazhdimi i dialogut mes Kosovës dhe Serbisë ka marrë kahje tjetër pas ngritjes së aktakuzës ndaj Presidentit Thaçi nga Gjykata Speciale. Njohësit e rrethanave politike thonë se Kosova në këto momente është në rrethana të pafavorshme politike për të vazhduar procesin e dialogut, raporton RTV Dukagjini. 

Ramush Tahiri thotë se Kosova ka marrë goditje të mëdha pas këtyre zhvillimeve të fundit, madje sipas tij vështirë se Kosova do të merr pjesë në Samitin e Parisit në këto rrethana.

“Është një goditje për politikën e Kosovës dhe për dialogun. Dialogu nuk mund të vazhdojë me presidentin e pafuqishëm dhe në këtë rast edhe me kryeministrin e pafuqishëm sepse duhet të kemi harmonizim të qëndrimeve shtetërore karshi dialogut me Serbinë.

Delegacioni i Kosovës nuk do të shkoj në bisedimet e Parisit pasi që nuk mund të shkonte as në bisedimet e Uashingtonit. Kjo gjykatë edhe pse është e pavarur, ka ndikuar në ndërprerjen e dialogut”, tha Tahiri.Demush Shasha nga Instituti Epik thotë se Gjykata Speciale nuk është arsyeja e vetme e mos vazhdimit të dialogut Kosovë-Serbi.“

Unë e shoh më problematike mungesën e konsensusit brenda Kuvendit të Kosovës për të filluar dialogun me Serbinë…Për të filluar çfarëdo dialogu që synon marrëveshje politike me Serbinë ai dialog duhet të gëzojë mbështetjen e 2/3 të votave të deputetëve në Kuvend”, deklaroi Demush Shasha, përcjell Telegrafi.

Merkel dhe Macron janë shprehur të gatshëm të organizojnë dialogun Kosovë-Serbi gjatë javës së tretë të korrikut

Menu Title