.
×

Deputetët e vjetër të VV-së nga Gjilani zëvendësohen me të rinjtë



Asnjë nga ish-deputetët e VV-së nga qyteti i Gjilanit që kanë qenë pjesë e legjislaturës së fundit nuk kanë arritur të fitojnë votat e mjaftueshme për t’u futur në Kuvend.

Ismajl Kurteshi, Sami Kurteshi, Shemsi Syla dhe Hydajet Hyseni kanë mbetur jashtë Kuvendit të Kosovës.

Ata janë zëvendësuar me deputetë të rinjë që vijnë nga ky qytet.

Labinotë Demi-Murtezi, Arbëreshë Kryeziu-Hyseni dhe Alban Hyseni kanë arritur të bëhen pjesë e legjislaturës së re nga qyteti i Gjilanit.

Labinotë Demi-Murtezi deputetja me shami nga Lëvizja Vetëvendosje ka arritur të bëhet pjesë e Kuvendit të Kosovës duke marrë 13 mijë e 595 vota.

Demi-Murtezi në listën e 32 deputetëve të VV-së ka dalë të jetë e 13-ta më e votuara nga ky subjekt.

Kurse dy deputetët tjerë Arbëreshë Kryeziu-Hyseni dhe Alban Hyseni kanë marrë 8 mijë e 315 vota përkatësisht 7 mijë e 833 vota.