[responsive-menu menu="logged-in-menu"]

Beqiri: Të votohet Demarkacioni



Botapress, 27 Shkurt

Kryeministri i vendit Isa Mustafa kohë më parë ka deklaruar se ata deputetë që nuk e votojnë Demarkacionin, më shumë gjasë nuk do të jenë në LDK. Kryeministri Mustafa pati thënë se deputetët duhet të binden se Kosova nuk humb territor dhe se ata deputetë që janë shprehur kundër duhet të ndërrojnë mendje. ​Shefi i grupit parlamentar të LDK’së, Ismet Beqiri, ka deklaruar se i pari Qeverisë nuk po i shantazhon deputetët.

“Nuk kisha paragjykuar. LDK asnjëherë nuk ka pasë në logjikën e saj largimin e askujt por mund të ketë deputetë që largohen vetë me sjelljet e tyre ose qëndrimet e tyre por gjithmonë për këto janë forumet e partisë dhe nuk vendosë askush si individë por në këtë rast unë e thash qëndrimet e partisë janë të qarta”, tha Beqiri për Tribuna Channel.

Beqiri thotë se deputetët duhet të votojnë Demarkacionin në mënyrë që të jenë të ndershëm në raport me interesat e atyre që i kanë votuar.

“Debutetët duhet të sillen në mënyrë të përgjegjshme, le t’i marrin, le t’i analizojnë gjërat dhe unë besoj se këtu është vetëm një e vërtetë dhe ajo e vërtetë në fund duhet të votohet. Ky Kuvend e ka obligim. Duhet të përsëris që ne duhet të jemi të ndershëm karshi qytetarëve dhe interesave të qytetarëve. Asnjëherë për këmbim të territoreve por nga ajo që është thënë nga tre komisione, ne ekspertë të tjerë nuk kemi, janë këta që kanë qenë”, theksoi ai.

Menu Title