.
×

Apple publikoi përditësimin iOS 11.2



 

Është koha të përditësoni përsëri iPhone tuaj. Apple publikoi iOS 11.2 dhe tipari kryesor i këtij përditësimi është Apple Pay Cash, një funksion i cili bën të mundur dërgimin dhe pranimin e parave nga miqtë dhe familja që përdorin Apple Pay.

Kjo veçori në të vërtetë është e disponueshme vetëm në SHBA aktualisht por pritet që në muajt e ardhshëm të ofrohet në mbarë botën.

Sa i takon riparimeve të problemeve dhe përmirësimeve Apple ka publikuar një listë ku spikatin:

Tre sfonde live për iPhone X

Është përmirësuar stabilizimi optik

Është përmirësuar stabiliteti i Calendarit

Është adresuar një problem ku paneli i Settings shfaqej bosh

Është adresuar një problem ku përdoruesit nuk mund të fshinin foto kur iCloud është plot

Përtej këtyre e disa rregullimeve të tjera të gabimeve, Apple ka aplikuar ndryshime në mënyrën sesi butonët Wi-Fi dhe Bluetooth funksionon nga paneli i njoftimeve.

Këta butonë që në të kaluarën përdoreshin për të fikur rrjetet në fjalë tashmë thjesht bllokojnë lidhjet e reja por nuk fikin Bluetooth dhe Wi-Fi. /PCWorld Albanian