.
×

Albin Kurti paralajmëron dorëheqje nga Lëvizja Vetëvendosje



Kandidati për kryeministër nga Lëvizja Vetëvendosje, Albin Kurti, ka thënë se do të jap dorëheqje nga funksioni i kryetarit të VV-së në rast se arrin t’i fitojë zgjedhjet e 6 tetorit.Kurti, deklaroi se do ta respektoj statusin e subjektit të tij politik që në rast se merr funksion zyrtar duhet lëshuar postin e tij, raporton GazetaBlic.Një gjë të tillë Kurti e tha në “Debat Plus” me Ermal Pandurin në RTV Dukagjini, pasi që u pyet nga panelisti i këtij emisioni Imer Mushkolaj.

“Do ta respektoj statusin e Lëvizjes Vetëvendosje”, u shpreh Kurti, në form pohimi se do të jap dorëheqje.Duke u deklaruar për vendimin për taksën, Kurti ka thënë se taksa nuk është në agjendën e tij politike.“Posa të jemi qeveri e re do të vendosim reciprocitetin e plotë politik, ekonomik e tregtar ndaj Serbisë. Vetëm pas vendosjes së reciprocitetit taksa nuk do të ketë kuptim më. Ne e heqim tarifën 100%, por jo pa vendosur reciprocitetin e plotë”, tha ai

I pari i Vetëvendosjes ka sqaruar konceptin e tij mbi reciprocitetin ndaj Serbisë.“Nëse ne nuk arrijmë të qarkullojmë me maunet tona me targa të Republikës së Kosovës në territorin e Serbisë dhe nëse Serbia nuk pranon certifikatën e mallit të Republikës së Kosovës, asnjë mall i Serbisë nuk hyn në Kosovë edhe nëse paguajnë tarifën 100%”, shtoi ai.

Kurti ka thënë se do të merr vendime politike edhe për çështje ekonomike, por sipas tij asnjë vendim nuk do të merret pa konsultime me komunitetin e biznesit.